” முட்டையும் பிரியாணியும் ” : ஒரு கலந்துரையாடல் .

சமீபத்தில் எனக்கு வந்த ஒரு ஃபார்வேர்டிது . ஒரு ஐ.டி. கம்பெணியில் உண்மையாகவே நடைபெற்ற மெயில் பரிமாற்றமிது .

அன்பர்களே , முட்டை பிரியாணியுடன் முட்டை வருவது ஏற்றுக்கொள்ளக்கூடியதுதான் . அதே போல சிக்கன் பிரியாணியுடன் முட்டை வருவதும் ஒரே குடும்ப பின்னனியுடையதால் , லாஜிக்கலி , கரெக்ட் தான். ஆனால் , மட்டன் பிரியாணியுடன் முட்டை வருவது எந்த விதத்தில் நியாயம் ? . இது எவ்விதம் சரியாகும் ? . இதற்கு என்ன காரணம் . ? பல உணவு விடுதிகள்/கடைகள் மேற்குறிப்பிட்ட வழிமுறையை பின்பற்றுகின்றன . இந்த ஐயத்தினை நமது சக ஐ.டி.யாளர்கள் ஆராய்ந்து தீர்வளிக்க வேண்டுகிறேன் . !! அன்புடன் “மு”

உக்காந்து யோசிப்பாய்ங்களோ !!! ??? அன்புடன் “ரி”

திரு “மு” அவர்களே , எம்மிடம் இதற்க்கு பதிலுண்டு . ‘நான் – வெஜ்” பிரியாணிகளுக்கு கீழ்கண்ட கால்க்குலேஷனை பின்பற்றவும் பிரியாணி வகை : பொருளடக்கம் முட்டை = முட்டை + பிரியாணி முட்டை – முட்டை = பிரியாணி => 0 = பிரியாணி ‘0′ இஸ் ஈக்வல் டூ முட்டை ( தமிழில் ) . ஆகவே முட்டை கட்டாயம் , பிரியாணியில் . Hence Proved . அன்புடன் “நி”

பிரமா. . . தம் . அன்புடன் ‘ப’

எம் சந்தேகத்தை நிவர்த்தி செய்ய முயன்ற “நி” க்கு நன்றிகள் பல . ” ஆகவே முட்டை கட்டாயம் , பிரியாணியில் . “ இவ்வாக்கியம் மெய்யானால் , வெஜ்-பிரியாணி வாங்கும் தாவர பட்சினிகள் என்செய்வர் ? ‘நான் – வெஜ்” பிரியாணிகளுக்கு கீழ்கண்ட கால்க்குலேஷனை பின்பற்றவும் ஆனால் இறால் பிரியாணிக்கு இத்தீர்வு பொருந்தவில்லையே , ( சம்பவம் நடந்த ) அன்று கூட இறால் பிரியாணியுடன் முட்டை வரவில்லை , மாறாக , மட்டன் பிரியாணியுடன் முட்டை வந்ததே ?? உபயம் – “ECR-FarmHouse” நன்றிகளுடன் “மு”

கீழ்கண்ட இன்னுமொரு தேற்றத்தை கவணிக்கவும் . திரு “நி”யின் தியரிப்படி நான் – வெஜ் பிரியாணியில் முட்டை கட்டாயமென வைப்போம் . ஆக சிக்கன் பிரியாணி + முட்டை பிரியாணி + இறால் பிரியாணி = நான் – வெஜ் பிரியானி – (1) சிக்கன் பிரியாணி = ஒரு முட்டை முட்டை பிரியாணி = ஒரு முட்டை சப்ஸ்டிடியூட்டினால் 1 முட்டை + 1 முட்டை + இறால் பிரியாணி = நான் – வெஜ் பிரியாணி . ஆனால் திரு ‘நி’ அவர்களின் கூற்றுப்படி நான் – வெஜ் பிரியானி = 1 முட்டை . ஆகவே மேற்கண்ட அனைத்தையும் (1) ல் பொருத்த 2 முட்டை + இறால் பிரியாணி = 1 முட்டை சோ , இறால் பிரியாணி = 1 முட்டை – 2 முட்டை ஆக , இறால் பிரியாணி = – முட்டை . Hence Proved அன்புடன் “பூ”

மரியாதைக்குரிய “பூ” அவர்களே , தங்கள் கூற்றுப்படி இறால் பிரியாணி = – முட்டை என்றால் , அது , ஹோட்டலில் இறால் பிரியாணி போஜிப்பவர் , ஓட்டல் சர்வருக்கு ஒரு முட்டை தரவேண்டுமென்ற நிலைப்பாட்டை உருவாக்குகிறதே . நன்றிகளுடன் ” கோ “

அது ஒரு நிகழ்வாக உருவாகுமெனில் , கொடுக்க வேண்டிய முட்டை கோழி முட்டையா , வாத்து முட்டையா அல்லது மனித முட்டையா என்ற ஐயம் எழுவதை தவிர்க்கவியலாது . அன்புடன் “ஸ்ரீ”

ஆக , இறால் பிரியாணி = – முட்டை . இது நாம் சர்வருக்கு கொடுக்க வேண்டிய நிலைப்பாட்டினை அளிக்கவில்லை , மாறாக இறால் பிரியாணி முட்டையில்லாமல் நமக்கு வழங்கப்படும் என்ற பொருளையே அளிக்கிறது . அன்புடன் “பூ”

தங்கள் கணக்கீடுகளின் படி இறால் பிரியாணி = – முட்டை இறால் பிரியாணி + முட்டை = 0 ( ஆனால் 0 = முட்டை ) ஆக இறால் பிரியாணி + முட்டை = முட்டை ஐயகோ , ரிசல்ட்டில் முட்டை வருகிறதே . ஆனால் நமக்கு தேவை பிராவ்ன் பிரியாணிதான் . ஆகவே இறால் பிரியாணி + முட்டை = முட்டை இறால் பிரியாணி + முட்டை – முட்டை = இறால் பிரியாணி ( அப்பாடா கடேசியாக பிராவ்ன் பிரியானி வந்துவிட்டது ) ஆகவே . . நமக்கு இறால் பிரியாணி வேண்டுமென்றால் அதை முட்டையில்லாமல் தான் சாப்பிடவேண்டுமென்று கணிதவியல் மூலமாக நாம் ஒரு தீரவுக்கு வரமுடிகிறது ,். அன்புடன் “ஜெ”

சுட்ட விதம் : ஈ மெயில் பார்வேர்டுகளிலிருந்து .